《求變》
我唔鍾意放假，尤其响我開始左喺內堂領軍既事業之後。個市一路郁，我個心根本就無辦法放鬆。尤其係喺跌市裡頭，風高浪急，內堂無人睇住，我就更放唔低。有時，我真心覺得領軍比我自己炒嘢所需要既心力多好多好多。
尋日，我老早就應承左小朋友去迪士尼，好多謝天公造美（我唔係講天氣，我係講緊個市）我至可以同兩個仔輕輕鬆鬆咁玩返餐。牛、熊仔好黐我，好似玩Ironman咁丫，熊仔直頭要我坐正喺佢側邊，仲要全程捉實我手唔放。
喺同一個工作耐左，確實係有啲攰，熱情都會走下坡。不過，我唔會俾我自己未做好件事就放棄。今日我就訂立一個目標，喺模擬倉總值正式翻一倍（到兩百萬）之後，我就會結束呢種模式，去搵一個俾自己可以放假既崗位。
我會用最短時間。
🙇🏽♂️
#希望我得
Search